ENTREVISTA A MANUEL VAZQUEZ, CONSELLEIRO DE MEDIO AMBENTE
Hai que xulgar a xente polo que fai, non polo que dí que fai.
O conselleiro Manuel "Pachi" Vazquez, fala moito, pero as súas palabras contradicense cos feitos, aínda que faga o posible por dar unha imaxe de bo rollo. O da rede Natura tenta solucionalo dicindo que o problema está nun tempo de adaptación a nova lei estatal, que é verdade, mais o que non dí é que o que está facendo con ise retraso é favorecer as empresass que teñen intereses contrarios ao sprincipios de conservación que a mesma Rede Natura ten que protexer e potenciar. Non vale de nada sacar unha lei despois da desfeita e dicir que os tramites son lentos. Un país que non adapta os seus ritmos lexislativos aos problemas reais, ou lle sobran certos burócratas e poíticos ou está condenado a perecer nas arañeiras do capital, como o sistema finnacieiro que medra e se potencia e logo, despois do enriquecemento inmoral, tocalle pagar aos de sempre, ao pobo .
Menos palabras e máis feitos. Señor conselleiro, as palabras lévaas o vento, os feitos fican gravados na codia da terra, e nós ímos por todo o noso empeño en que cada caso leve os nomes e apelidos do seu autor ben visibles para que cada pau aguante a súa vela. A súa, polo de agora é negra, e a súa bandeira leva os osos dun esquelete.
Así o vemos e así o dicimos.
Estamos a traballar máis que nunca en proxectos para salvar a Serra da Groba e todo o que nela hai.
Isto estanos a restar tempo para poder levar ao día iste blog , no que pretendíamos pór as novas relacionadas coa serra e o medio ambente e outros temas que nos tocan no Val Miñor.
Esperamos saibades comprender os nosos erros e a falla de actualización diaria que pretendiamos.
Mais, non paramos ni imos a parar. Seguimos aí, loitando e pelexando por un país e unha terra máis limpa e valorada. Máis terra e menos formigón. Máis cultura e respecto polo que nos rodea. Máis educación e formación para valorar o que temos e que debemos protexer e potenciar para que as xeracións futuras poidan gozar do que é de todos e ten que seguir sendo. Vivo e coidado, non morto e cheo de lixo.
Estase a celebrar en Santiago e Silleda o 1º Congreso Internacional de Valorización do Monte. Aí estivemos escoitando e vendo o que se fai por todo o mundo e o resto da península iberica. Tiranse moitas conclusións e informacións de moito valor para avanzar nun desenrolo sostible no Val Miñor. Só fai falla vontade e traballo, moito traballo. E, tamén, gañas de aprender e mellorar, sen egoismos nin ideas minifundistas, pondo todos algo de nós e unha visión de futuro, moi necesaria para deixar a terra mellor do que a temos hoxe.
Xa tocará falr disto noutra ocasión.
Botadelle unha ollada a ista nova na prensa de hoxe, Ten algo moi importante que sería necesario analizaramos no Val Miñor. O futuro pode dar e quitar moitas razóns. Hoxe é importante reflexionar e ver o que estamos a construir e deixar de herdanza aos nosos fillos e veciños. As solucións cortoplacistas nunca solucionaron nada, e menos falando de medioa ambente e natureza.http://www.laregion.es/noticia/74721/Loña/río/Ourense/recuperación/
