Onte tivemos a oportunidade de render contas ante a xente que se achegou ata Gondomar a asmblea xeral de SOS Groba.
A nosa secretaria Alicia López, e o presidente Xosé Lois Vilar, fixeron un resumo das actividades e xestións levadas a cabo polo colectivo ao longo do ano e medio que levamos en activo. Case nos sorprende a todos o ver, un detras do outro, tódolos actos e actividades realizados. Aínda así fica moito por facer e non ímos a quedar parados.
Os asistentes aprovamos a integración do noso colectivo na Europeam Platform Agains Windferms, que está por un desenrolo sostible da enerxía eólica, e non a calqueira prezo e en calqueira lugar.
Tamén decídimos recurrir ao Parlamento Europeo para denunciar o noso caso e a vulneración da lei co proxecto Albariño I no seu estudo de impacto ambiental e no catálogo de patrimonio e a súa repercusión co implantación do parque eólico. A, ao noso entender, manipulación da futura Rede Natura na Serra da Groba, ao ser marcada polos lugares non de verdadeiro interese, se non por aqueles que liberen os espazos necesarios para implantación de industrias como as Plantas acuículas na costa e os aeroxeradores en lugares de grande interese natural, humedais e nacentes de fontes e ríos, e paisaxístico.
Informouse das xestións realizadas coas distintas autoridades locais, nacionais e europeas e dos plans para o futuro.
Comentouse e analizouse a manifestación de Galiza Non se Vende do día 15, e aprobouse debater despois do día 1 de marzo a postura colectiva de SOS Groba ante a posible disparidade de opinións ao respecto, para non interferir en posibles intereses políticos, lícitos, de calquera dos nosos integrantes. O colectivo non ten dúbidas ao respecto dos seus fins nin do camiño a andar.
Para rematar Xavier Simón, da Universidade de Vigo, deu unha conferencia sobre a enerxía eólica no país moi ilustrativa e einteresante, analizando os datos de toda a industria e o que aporta a cada quen, promotores e propietarios da terra, e a propia sociedade vía Xunta de Galicia.
O público asistente participou no debate final e preguntou sobre alternativas e futuro do problema enerxético, ata as 22,30 h.
Ao remate, continuamos cunha cea no Pazo da Escola en Mañufe, e aínda lle demos algunha volta máis o tema ata 1,30 da noite.
Moitas grazas, dende aquí, ao profesor Xavier Simón polas súas aportacións e a súa perfecta exposición de datos e gráficos.
Grazas, tamén, a tódolos/as compañeiras e compañeiros que fan posible o traballo que levamos adiante.
Para rematar, indicar que aproveitamos para inagurar unha Exposición sobre a Serra da Groba que estará nas instalacións da Aula de Cultura Ponte de Rosas de Gondomar e que logo pretendemos prestar a quen nola solicite para ilustrar todo o patrimonio que atesoura a Groba.
