EL FARO DE VIGO
LA VOZ DE GALICIA
http://www.lavozdegalicia.es/dinero/2008/06/19/0003_6917941.htmhttp://www.lavozdegalicia.es/dinero/2008/06/19/0003_6917942.htmhttp://www.lavozdegalicia.es/dinero/2008/06/19/0003_6917943.htm
EL PAÍS
DE FEIRA A FEIRA
O meu avó era tratante e gandeiro. Andivo polas feiras do país a mercar e vender gando, polas casas e os pobos. Andivo. Antes a xente ía camiñando aos sitios, aínda que estiveran moi distantes. Erguíanse de noite e ían camiñando arreando os xatos, as vacas ou as récuas de bestas atadas polo rabo. Cando amañecía tiñan que entrar na feira para poder vender.
Pouco máis adiante, chegou o coche mixto, o que levaba ao gando e ás persoas e tódolos productos que se levaban para vender. Xa a cousa foi mellorando e aforrou moitas horas de andar camiños de noite, arriscándose aos perigos dos bandoleiros, que asexaban tralos carballos a que chegasen os feirantes cos petos cheos de moedas, queixos, pan, chourizos e xamóns. Eran outros tempos.
Agora parece que comeza outra feira. Os tratantes preparanse para chegar antes que nadie á feira. O que chega tarde nin oe misa nen come carne. E como feirantes tentan vender o seu producto - neste caso mercar- ofrecendo e prometendo o ouro e o mouro. Mesturando churras e merinas. Mil ofertas, a cada cal mellor. Os nosos empresarios apostan polo país e prometen facer un grupo lácteo, unha fabrica de papel... Todos acordaron agora que este país existe, que ten futuro . Onde estaban antes e que foi o que fixeron. Como chegaron a ser ricos e que axudas tiveron das administracións anteriores?. Como tratan aos seus traballadores? A terra, o medio ambiente, a paisaxe... preocupoulles algunha vez?
Xa sabemos que de todos os que van a feira, só alguns van a traballar e a comerciar honradamente. Outros andan a apañar o que poden, sen importarlle moito as formas.
Con tódolos respectos para todos, a esta feira hai que ir coas mans nos petos e os ollos ven abertos, non vaia ser que nos rouben a carteira.
Ningún comentario:
Publicar un comentario