MAPACHES NA GROBA

Pegadas atopadas na Serra da Groba, na fonte Pernal. Marzo 2015

http://www.lavozdegalicia.es/noticia/vigo/vigo/2017/03/12/mapaches-pronto-alcanzaran-alrededores-vigo/0003_201703V12C6994.htm

http://www.farodevigo.es/galicia/2017/02/09/xunta-lanza-caza-mapache/1620058.html


Nestes últimos días teñen aparecido na prensa novas relacionadas con un animal coñecido por aparecer en moitas das abundantes películas americanas que vemos na television e no cine.
É un animal que visto dende lonxe parece simpatico e incluso gracioso, pois case sempre se ve en escenas nas que aparece facendo unha trasnada, metendose onde non debe. Como digo, dende lonxe e visto na pantalla. Outra cousa debe ser velo nos nosos montes,  moi lonxe do seu habitat natural e fomando parte dese grupo de animais invasores que están a estragar o noso medio natural.
Estamonos a referir o mapache, un animal que ven de America do norte e que dende a provincia de Lugo, onde hai uns anos que escaparon un exemplares, se está adaptando ao noso monte, e seguindo polas beiras dos ríos, vai inzando a nosa terra, sen depredadores nin nadie que lle poña freo a súa expansión.
O simpatico mapache é de costumes nouturnos, e non é doado velo, mais si se poden ver as súas pegadas. Os que temos a teima de andar polo monte a ver bichos e analizar o medio, para ir testando a saúde da nosa terra, as veces atopamos pegadas que non somos quen de identificar de primeiras. Non é de estranar pois un non se imaxina atopar a pegada dun mapache na Sera da Groba, a carón da Fonte pernal. O raposo. a donicela, a algalia, a lebre, o visón americano que xa é como de noso, pola súa abundancia na nosa contorna, a lontra, o tourón..... calqueira anima destes podía ser o que deixase a súa pegada na lama na Pernal, hai agora dous anos.
Estas dúas fotos foron tomadas en marzo de 2015, e non conseguín identificalas. Agora que vexo estas novas na prensa, volvín a remoer na memoria e acordei que poideran ser dun deses mapaches que xa chegaran á Groba. Quen sabe. Dende logo son ben parecidas as que se poden ver na rede, e nas que fun a investigar para tentar resolver o misterio.
Igual temos xa un novo invasor na serra da Groba. Haberá que seguir atentos e porcurar novas pegadas que confirmen esta sospeita.

INVASORAS SILENCIOSAS

O próximo xoves día 26 de febreiro comezamos as xornadas sobre especies invasoras que están producindo moito mal nos nosos ecosistemas.
Serán dúas xornadas, os voves 26 de febreiro e o 5 de marzo,, e nelas tentaremos amosar algunhas das especies invasoras que máis están a afectar ó Val Miñor.  Comezaremos coa cortadeira, esa pranta que podemos ver nas beiras dos ríos, nos montes e incluso nos xardíns dalgúns concellos e, moi preocupantemente, na propia foz do Miñor, nas xunqueiras. Unha pranta oportunista que aló onde se moven terras ou se depositan entullos, medra sen control. Será Miguel A. Fernández Martínez quen nos fale dela.
Nesta mesma xornada, Antón Vazquez Caamaño, falará do picudo vermello das palmeiras, que tantos estragos está a causar nas palmeiras máis vedraias do Val Miñor, Aproveitará para falarnos dalgunha outra praga que tamén nos está afectando.
O día 5 de marzo, tocarálle falar a Cesar Ayres sobre enfermedades infecciosas emerxentes, que están acabando coas rás, píntigas e outros anfibios, e tamén aproveitaremos para que nos fale do parásito que está acabando cos sapoconchos galegos, introducido polas tartarugas de florida que a xente solta sen control nos nosos ríos.
Suso Asorey falará doutras invasoras perigosas para o noso medio, as avespas velutinas, que xa se instalaron en toda a bisbarra dun xeito masivo e que tantos danos están producindo aos apicultores e  as nosas avellas e froitas.
Teremos coloquio,  e tentaremos que se poidan aclarar dúbidas e,  sobor de todo, plantexar medidas a tomar entre todos para poder  facerlle fronte a estas ameazas.
A entrada é libre,  e todo o mundo que esté interesado en asistir só ten que achegarse pola Aula de Cultura Ponte de Rosas,sede do Instituto de Estudos Miñoranos, na avenida da Feira nº 8, baixo, en Gondomar, perto dos institutos de Ensino Medio e do Pavillón dos deportes de Gondomar. As palestras serán ás 20,30 h.
Estades convidados.

INVASORAS. GONIPTERUS NA GROBA

Exemplares de Gonipterus adultos atopados na serra da Groba.
Estes comedores de follas tenras de eucalipto están a ser unha plaga invasora que fai secar moitas árbores de eucalipto. Están a sendo un vingador silandeiro,  polo mal que se lle ten feito a moitas partes do noso monte.
O malo das pragas é que o seu control escapa da man do home e, as máis das veces, tentase remedialas con potentes insecticidas que aínda fan máis mal que o propio gonipterus, ao rematar con todo insecto que se atope no radio de acción do tratamento agresivo, que tamen contamina as  augas e remata con aves e outra fauna ligada no mesmo medio.

O próximo xoves 26 de febreiro comezará na Aula de cultura Ponte de Rosas do IEM, unhas xornadas sobre especies invasoras, para ver e analizar outras especies que están impactando fortemente na nosa bisbarra, como poden ser o Vermello Picudo das palmeiras, a Avespa Velutina que tanto mal está a producir nas colmeas e na natureza do Val Miñor. Noutra xornada do xoves 5 de marzo, falarase do Ranavirus que está matando as nosas rás, píntegas e tritóns, e da Cortadeira selloana  ou herba das pampas, eses plumeiros que están invadindo solares e riberias dos ríos en toda a bisbarra.
Iremos achegando información nos próximos días, co programa completo.