GAÑAMOS UNHA BATALLA. SEGUIMOS NA LOITA

 

Hai uns días, o 22 de setembro, saíu publicada no DOG sa resolución sobre a Declaración de Impacto Ambiental do Parque Eólico Albariño I. Clave : 2020/0241 na que se resolve formular a declaración de impacto ambiental desfavorable para o proxecto do parque eólico Albariño I. Despois de 15 anos dun longo proceso administrativo, con moitas horas empregadas en reunións, palestras, xornadas, manifestacións, xeiras e visitas a oficinas das distintas administracións, reclamacións e reivindicacións, alegacións múltiples, chegamos a esta publicación no DOG que nos enche de ledicia por unha banda, e de carraxe por outra.

Antes de nada, e despois dunhas horas de reflexión e análise, temos que facer memoria e lembrarnos dos compañeiros de esta longa loita que xa non están con nós, e que neste día de celebración estarían moi ledos. Vai por eles e a súa memoria esta vitoria parcial, esta batalla gañada. Aló onde se atopen estamos certos que hoxe botarán un sorriso ledo e erguerán as botellas das súas cervexas para brindar con nós por este éxito. Xosé Reigosa, Paco de Pinzás, Alfonso Soliño, Enrique Romasanta. Vai por vós e na vosa memoria. E , grazas compañeiros por non desfalecer nos peores intres desta longa loita e pola entrega e o exemplo dado, cada un dende distintas áreas e tarefas. A vosa memoria seguirá a empurrarnos para non parar nin dar un paso atrás.

Tamén é o intre de dar as grazas ás compañeiras e compañeiros que dende a gran diversidade de colectivos dun xeito ou de outro, foron colaborando e apoiando esta longa loita. Esta vitoria nesta batalla é un logro da suma de esforzos, é unha vitoria colectiva, común, das xentes que non se arredan e que , cada un co seu gran de area, sumou para chegar ata aquí. Grazas a todas e todos. Unidos venceremos.

A xente  descoñece o que no seu nome algúns políticos e empresarios fan, destruíndo valores patrimoniais que non nos pertencen e que non teñen prezo, nin falta que lles fai, mais que teñen un grande valor natural e patrimonial que temos que conservar para que este mundo mellore e deixe de empeorar. As xeracións futuras teñen dereito a un mundo mellor. Nós tamén.

Dedicar parte do noso tempo a defensa do común , sen buscar beneficio económico ou rendibilidade política, é unha obriga que algunhas e algúns nos damos como xeito de contribuír a mellora deste mundo, da terra que pisamos e na que moramos, de pagar unha débeda que temos cos nosos devanceiros que nos legaron a memoria, a lingua e todos os saberes que nos fixeron crecer e deambular polo mundo como usufrutuarios dunha natureza que non nos pertence, mais da que si podemos tirar proveito, sen esquecer que para iso hai que coidala e protexela, para que os que veñan despois de nós sigan a gozar dela igual ou mellor que nós.

Gañamos unha batalla, é a primeira frase do encabezamento deste escrito. É a ledicia expresada con orgullo. Mais,  tamén ven despois da lectura demorada da resolución a carraxe.

Cada un dos parágrafos desta resolución non ten desperdicio. A información evidente da que nos fornece súmase a subxacente que aínda é máis valiosa, pois nela advertimos como o nivel de manipulación negativa é moi grande e os intereses empresariais e especulativos están por riba dos interese comúns e da defensa do patrimonio. As contradicións evidentes entre o que di a empresa promotora e a realidade, entre o que defendemos e denunciamos todas e todos os que estamos nesta loita, trátase dun xeito diferente dependendo do organismo que faga o informe. Sendo nalgúns casos baseado na análise da realidade que é obxecto do proxecto, e noutros de consideracións subxectivas, falsas e/ou sen xustificación analítica, virando cara aos intereses da empresa promotora que,  evidentemente, tenta conseguir os seus obxectivos minimizando as posibles afeccións e impactos.

Todo o dito fainos seguir en alerta e a non parar nin a crer que xa gañamos esta loita. Aínda hai moita mentira que denunciar, moita hipocrisía e falsidade que non parará. Hai en tramitación máis proxectos para a Groba que teñen que levar o mesmo camiño que o Albariño I. Pero non será sen o esforzo e o traballo común de moitas e moitos compañeiros e amigos que apoien esta causa. Por nós non a quedar. Imos seguir igual que ata hoxe, e animamos a todos os colectivos que polo país adiante  sofren este mesmo andazo, a que non se deixen enganar. Que sigan na loita e na denuncia. Co apoio de todas e todos acadaremos a vitoria final.

Grazas polo camiño andado,  e grazas por seguirnos no que fica por andar.

SOS GROBA

Val de Miñor, outono de 2022

NON AS MINAS DE LITIO NA SERRA DA ARGA

 Juntem-se a nós sábado na Ponte da Amizade!

💚
No próximo sábado dia 19 de Setembro às 10:00 (11:00 galegas) vamos realizar, na Ponte Internacional da Amizade em Vila Nova de Cerveira, um acto simbólico de união das populações e autarquias das margens do Rio Minho. A acção consistirá no desfraldamento de faixas em sinal de protesto contra o projecto de mineração que o Estado Português pretende implementar na Serra d'Arga e que, a avançar, poderá colocar em risco o desenvolvimento sustentável e o futuro de toda esta região.
A iniciativa do próximo sábado irá decorrer exactamente sobre o Minho, "o rio que nos une", e é co-organizada pelo Movimento SOS Serra d'Arga, pela ANABAM (Asociación Naturalista do Baixo Miño), pelo Centro Social Fuscalho e pela A Jalleira (Asociación Forestal e de Educación Ambiental), com o apoio das autarquias de Vila Nova de Cerveira e Tominho, que se farão representar para uma saudação oficial entre as autarquias vizinhas, e assim manifestar o seu apoio a esta causa.
🙌💪 

QUE PASA CO MEDIO AMBIENTE? CHAN DO CEREIXO

CHAN DO CEREIXO, PISTA PARA TODO

BEIRARRÚAS EN MAÑUFE: ACACIAS PARA DAR SOMBRA?

 Pasou o cinco de xuño, día Mundial do Medio Ambiente, damos un paseo polo noso Val de Miñor e atopamos un feixe de agresión e desfeitas que non sabemos de onde saen, mais si vemos as consecuencias.

CHAN DO CEREIXO: PISTA DE AEROMEODELISMO

 Na Chan do Cereixo hai unha pista de aeromodelismo hai moitos anos. Non sabemos a quen se lle ocurriu a idea, pero nun dos lugares con máis valores naturais e arqueolóxicos que temos no Val de Miñor achanzouse o espazo con maquinaria pesada e fíxose unha pista para que poideran practicar aeromodelismo os que gostan dese deporte. Nada encontra dese deporte, pero si do lugar escollido precisamente por ser lugar e habitat de especies senlleiras e moi sensibles de aves e anfibios e, asemade, grande interese arqueolóxico. Non moi lonxe, a uns cincocentos metros, xa na parroquia de Pinzás, tamén tiveron a idea de facer unha pista para avionetas que nunca foi máis que un proxecto que deturpou o terreo e inzou de carrasco e toxo. A ninguén se lle ocurriú compartir espazo naquel intre? ou é que como é doutro concello e outra comunidade cada quen mira polo seu e fai o que lle peta. Non importaron outros valores arqueolóxicos e biolóxicos e aí están as dúas pistas.

Agora para celebrar o día mundial do Medio Ambiente a alguén debeuselle ocurrir a idea de pechar a pista coa malla metálica e achanzar coa excavadora a zona. Non sabemos si contan ou non cos permisos de patrimonio e de medioambiente, necesarios e perceptivos. Si sabemos que fose como fora, nin é o intre (época de reproducción e cría de aves e anfibios) nin nos parece axeitado sin facer un estudio previo das consecuencias para a fauna e a flora da zona. Si o hai non o coñemos as asociacións que traballamos na zona tanto no patrimonio arqueolóxico como no natural, de feito tivemos coñecemento desta obra hoxe mesmo por un correo do coordinador da Asociación de Herpetología Española que o denuncióu na nosa caixa de correo.
Agardamos a que alguén nos explique ou conteste ás preguntas. Vaia por diante que nont emos nada en contra do aeromodelismo nin dos seus practicantes. Somos dos que pensamos que as cousas ben feitas ben campan, como dicían os vellos, e que sempre se poden buscar solucións no agresivas e respectuosas co medio ambiente.

BEIRARRÚAS EN MAÑUFE: ACACIAS PARA DAR SOMBRA?

Lemos na prensa de hoxe que a Xunta anda acondiconando as beirarrúas desa obra que uns chaman carril bici, outros beirarrúa perigosa e outros... estrada Ramallosa-Gondomar.

https://telemarinas.com/la-xunta-realiza-trabajos-de-desbroce-y-limpieza-en-los-margenes-de-carreteras-de-nigran-y-gondomar/

https://valminortv.com/2020/06/07/a-xunta-realizara-esta-semana-as-rozas-e-limpezas-das-marxes-de-estradas-autonomicas-no-val-minor/

 Xa hai un meses, antes da primavera e do confinamento, denunciamos que (supomos que accidentalmente e sin querer) a empresa que fixo as obras sementou acacias mimosas ó rechear os noiros dende o linde con Nigrán, fronte as Escolas Proval, ata perto da Gasolineira, con terra chea de semente de mimosas. Inzaron e medraron neses noiros, e calquera pode hoxe ver altitude que teñen só nuns meses. Ninguén fixo nada cando aínda era fácil arrincalas, e agora miden máis de tres metros e seguen a medrar e a inzar.
Fálase na nota, que supomos enviou algún gabinete da consellería correspondente,  que se tenta limpar as beirarrúas e marxes das estradas para desbrozar e limpar de especies prirofitas e evitar os perigos de lumes e a súa propagación. Pois parécenos ben, maís que limpen esas acacias (especie pirofita) que sementaron (sin querer) e non só esas herbas que tamén sementaron para "achicar" as beirarrúas e estorbar aos peóns e ciclistas.
O medio ambiente é algo máis que unha foto e unhas verbas. Hai que coidalo todo o ano e non só un día,  e facer pedagoxía para que a cidadanía toda tome conciencia e sexa máis coidadosa e respectuosa. Ante todo as administracións teñen que dar exemplo e facer as cousas mellor. É a súa obriga e responsabilidade e por iso nós facemos este apuntamento, que por outra parte xa fixemos no concello no seu día.
Veremos que nos depara o futuro.
(As fotos das mimosas son de novembro de 2019)

NO DÍA MUNDIAL DO MEDIO AMBIENTE, A TRISTE REALIDADE

No día mundial do Medio Ambiente publicamos o comunicado enviado á prensa pola Plataforma Pola defensa da Serra do Galiñeiro e SOS Groba, ante as ameazas dos proxectos industriais para esta serras do sur de Pontevedra.

NO DÍA MUNDIAL DO MEDIO AMBIENTE

Denunciamos e solicitamos que se mollen!

As Plataformas SOS Groba e Serra do Galiñeiro, que son a suma de diversas entidades e colectivos medioambientais, ecoloxístas, veciñais, deportivos e comunidades de montes, ante a celebración este venres 5 de xuño do Día Mundial do Medio Ambiente, queremos aproveitar para reivindicar ante toda a cidadanía e a clase política en xeral, a necesidade dunha maior concienciación sobre a nosa terra, os nosos montes e serras, que despois de milleiros de anos de uso e abuso, vénse neste primeira parte do século XXI ameazados por intereses especulativos e a ameaza real da súa transformación radical por a implantación de varios proxectos de parques eólicos e de minería invasiva.

Somos ecoloxístas, somos veciños concienciados sobre a necesidade de que se mude o modelo que nos trouxo ata hoxe cunha terra, un planeta, que xa non soporta máis a explotación dos recursos sen ter en conta os valores medioambientais e patrimoniais, que con subterfuxios legais son, teoricamente protexidos e na realidade, estragados e destruídos.

Non somos os propietarios da terra (nin sendoo), somos usufructuarios dun monte que ten donos, múltiples, como os seus usos e aproveitamentos. Somos unha xeración que ve como a terra que lle imos deixar ás xeracións futuras se empobrece e se contamina, como cada día se extinguen especies que os nosos fillos e netos só poderán ver en fotografías; como os nosos ríos e regueiras perden a pureza e a diversidade, como a paisaxe se deturpa, se destrúe e se contamina en aras duns beneficios que non teñen en conta o futuro nin o propio presente, que xa nos está a avisar de que debemos mudar o noso xeito de relacionarnos co medio ambiente.

Ante os proxectos que a Xunta de Galicia ten para as nosas serras do Galiñeiro e da Groba, nós dicimos alto e claro que NON, que NON queremos máis proxectos especulativos co noso medio ambiente; que queremos mudar de modelo e que queremos que se respecte a terra que nos foi legada polos nosos antepasados, para tentar deixarlle un mundo mellor e máis limpo aos que veñan trás de nós.

Por todo isto mandamos a tódolos partidos políticos dos concellos afectados polos proxectos dos parques eólicos previstos, concellos de Vigo, Gondomar, Mos, O Porriño, Tomiño, Oia, O Rosal , Baiona e Nigrán (afectado indirectamente) esta carta que esperamos contesten publicamente antes de que se inicie a próxima campaña eleitoral.

No día do Medio Ambiente, máis conciencia ecolóxica e protección real dos valores naturais e patrimoniais das nosas serras.

Val de Miñor, 5 de xuño de 2020

PLATAFORMA DO GALIÑEIRO E SOS GROBA

Adxuntamos a continuación a carta que foi enviada o día tres de xuño a tódolos partidos políticos

PETICIÓN SOBRE A SÚA OPINIÓN E POSICIONAMENTO AOS PARTIDOS POLÍTICOS NOS CONCELLOS DO VAL DE MIÑOR, BAIXO MIÑO, A LOURIÑA E VIGO SOBRE A CONSTRUCCIÓN DE PARQUES EÓLICOS NAS SERRAS DA GROBA E O GALIÑEIRO.

Ante a aparición nestes días de pandemia e confinamento de novas sobre a aceleración de proxectos eólicos para as serras da Groba e do Galiñeiro, e outros proxectos industriais polo país adiante, e visto no Rexistro Eólico de Galicia (REG) https://www.arcgis.com/apps/webappviewer/index.html?id=4bae3fad95b6439bacef9d1a316765e9

a aparición de novos proxectos na Serra da Groba, sumados aos xa vellos , e polo que a sociedade civil de Galicia e maís dun cento de colectivos recorren e piden a suspensión das dúas ordes da Xunta que reactivan a tramitación de procedementos administrativos durante o estado de alarma.

107 asociacións e colectivos presentan recurso de reposición no que se pide a suspensión cautelar das Ordes do 27 de abril e do 5 de maio polas que a Xunta dá luz verde á continuidade da tramitación administrativa de case 1000 proxectos industriais de grande impacto en pleno estado de alarma.

Tamén solicitan á Delegación do Goberno en Galicia que revise se estas disposicións se axustan a Dereito.

Este recurso foi presentado polo grupo de traballo denominado ALERTA AMBIENTAL GALEGA que nacía hai menos dun mes como resposta ao acordo do Consello da Xunta do xoves 30 de abril do 2020 (DOG deste 4 de maio) no que se aprobou reactivar a tramitación administrativa en materia de avaliación ambiental de 975 proxectos que estaban paralizados polo Real Decreto que declarou o Estado de alarma. Posteriormente, a Xunta de Galicia ditou unha nova Orde a través da Consellaría Industria, que se publicou no DOG do 11 de maio, pola que non só se daba luz verde á continuidade da tramitación de centos de expedientes administrativos con forte impacto ambiental, senón que lexitimaba á Xunta para aprobar tales proxectos industriais de grande impacto.

E ante a reiteración de proxectos lexivos para as serras da Groba con seis proxectos distintos cos nomes de P.E. AlbariñoI, Torona, Torroña I, Torroña III, Rosal e Merendón con un total de 44 torres de aeroxeradores e 4 subestacións de transformación e transporte. Na Serra do Galiñeiro irían 13 torres de aeroxeradores. A todo isto habería que sumar as respectivas pistas de acceso e evacuación de varios milleiros de metros por zonas de grande valor ecolóxico e patrimonial, creando un grande impacto visual e ambiental, xa denunciado hai varios anos cando se iniciaron os primeiros procedementos, e nos que a sociedade civil manifestou o seu rexeitamento. Non famalos de euros nin de prezos de alugueiro, nin de postos de traballo, discursos que o grande capital quere vender para convencer e evitar o rexeitamento. Tampouco estamos a falar de enerxías limpas nin de transición ecolóxica. Non estamos encontra da enerxía eólica, estamos en contra dos modelos de explotación que explotan recursos para tirar beneficios para grandes emporios e tentando mercar patrimonios que non teñen prezo e si moito valor, como son os do medio natural, a paisaxe, o patrimonio cultural e o monte multifuncional explotado polos veciños e comuneiros.

As Asociacións Plataforma Serra do Galiñeiro e SOS GROBA ante o exposto:

SOLICITAMOS DO SEU PARTIDO POLITICO

Se posicione publicamente e nos plenos dos concellos onde teñen representación a maior brevidade, e antes da campaña eleitoral sobre estes proxectos concretos.

Val de Miñor, a tres días do Dia Mundial do Medio Ambiente, maio de 2020.

MÁIS BIOINVASIÓNS APOIADAS POLA ADMINISTRACIÓN

MÁIS BIOINVASIÓNS APOIADAS POLA ADMINISTRACIÓN

LARA GRAÑA 04/06/2020

Por proximidad y porque los terrenos forestales tienen características muy similares a los del norte de Portugal, Galicia fue objetivo de un proyecto específico que, una vez concluido, tendrá un gran impacto en la economía rural de la región
Informe del grupo a los inversores

1.000
HECTÁREAS ARRENDADAS


En el año 2014 la pastera lusa Portucel decidía abandonar el mercado gallego, que en aquel momento representaba el 20% de los 4,34 millones de toneladas de madera descortezada con las que nutría sus fábricas, reforzando todavía más a Ence como operador de referencia en la comunidad. Poco duró el repliegue: ya rebautizada como The Navigator Company, la multinacional empezó a sondear Galicia en 2017 para la instalación de una “gran base fuerte” en el norte de España y garantizarse así el aprovisionamiento de eucalipto. Lo consiguió.




Eso es lo que dice textualmente el informe remitido por el grupo a los inversores, y relativo a las cuentas del pasado ejercicio. Su reentré en territorio gallego arroja cifras notables: 1.000 hectáreas en nuevas plantaciones de eucalipto, en terrenos arrendados a 27 propietarios. Pero aspira a más. Navigator acaba de reforzar sus equipos comerciales, con “capacidad para localizar nuevas áreas”. Asegura la empresa que ha encontrado una receptividad creciente entre los propietarios gallegos.



La antigua Portucel padece en Portugal, que no en Galicia, de unas severas restricciones a las plantaciones de eucalipto. Sus planes para retornar a la comunidad se pusieron sobre la mesa pocos meses después de la tragedia de Pedrógão Grande, que segó la vida de 64 personas en el centro del país. La presión de Los Verdes, en paralelo, convirtió Portugal en territorio libre de nuevas plantaciones de esta especie, oriunda de Australia, hasta 2030. Hasta entonces, en virtud de la Estratégia Nacional para as Florestas, el área total poblada con eucaliptos no podrá sobrepasar las 812.000 hectáreas que existen en la actualidad. En el mismo periodo Lisboa pretende aumentar la población de carballos un 40%. El sector forestal luso ha clamado reiteradamente contra esta política, y el propio presidente ejecutivo de Navigator fue rotundo esta misma semana.


Las cifras del proyecto gallego


9
CONCELLOS


6
ÁREAS DE GESTIÓN


27
PROPIETARIOS



Quiere primar el tren para el transporte de la madera gallega, con destino Aveiro

Es la fibra ideal para el papel de alta calidad
Antonio Redondo
RESPONSABLE EJECUTIVO DE NAVIGATOR

TEMAS: forestal, Industria, industria Portugal, replantación


La compañía lusa no ha concretado dónde están los terrenos que ha arrendado, repartidos en nueve concellos gallegos, que promediarían las casi 40 hectáreas “en seis unidades de gestión”. En todo caso la porción de Galicia en el cómputo global de espacios que gestiona es todavía residual. A cierre de 2019 contaba con unas 108.269 hectáreas, de las que tres cuartas partes eran de eucalipto.



Navigator pasará a nutrirse “rápidamente” de madera procedente de Mozambique, donde han ocupado ya 13.000 hectáreas (en un área total concesionada de 246.000). Ence, hegemónica en suelo gallego, es responsable por su parte de “66.011 hectáreas de superficie forestal bruta” en toda la Península, según consta en su última memoria anual. El presidente y CEO de la pastera, Ignacio Colmenares, aseguró en una entrevista a FARO que la expansión de la antigua Portucel en Galicia no representa una amenaza para su actividad. “Es un player más. Esto es un mercado competitivo, no podemos soñar con estar solos. Y hay madera para todos”.


Entre los planes de Navigator Company está la “optimización” de sus flujos logísticos, capítulo en el que también entran sus plantaciones gallegas. “Una mayor utilización del transporte ferroviario para la conexión con las fábricas, sobre todo la de Aveiro”, que será la que principalmente recepcione la madera que obtiene en la comunidad. El eucalipto ocupa ahora el doble de superficie que en 1986 en Galicia, con un crecimiento muy superior a las previsiones de la Xunta. En el vigente Plan Forestal en proceso de revisión se estimaba que las plantaciones de este tipo de árboles alcanzarían las 245.000 hectáreas en un horizonte que llega hasta el año 2032. Sin embargo, esa cifra está ya a estas alturas superada.

htttps://afondo.farodevigo.es/economia/la-lusa-portucel-quiere-plantar-mas-eucaliptos-en-galicia.html?utm_source=newsletter&utm_medium=email&utm_campaign=sus_matinal&utm_content=web

REACCIÓNS

Van aparecendo alguhnas reaccións ante a nota que as plataformas SOS Groba e Serra do Galiñeiro publicamos, como denuncia dos proxectos de parques eólicos para as nosas serras.
Iremos publicando todas as que recibamos e, no seu intre,  tamén falaremos das que non recibimos.
Facer notar que as notas que publicamos son as mesmas que nos envián, ou que saen na prensa, o que non quere dicir que compartamos as opinión nelas verquidas. As nosas opinións ou comunicados de calquera das plataformas serán debidamente diferenciados.
Recibidos:
MANIFESTO MIÑOR
Fonte:https://valminortv.com/2020/05/28/manifesto-minor-leva-a-pleno-a-ameaza-dos-parques-eolicos-na-groba-e-no-galineiro/

Atendendo ao chamado das Plataformas da Serra do Galiñeiro e da Serra da Groba, “e por seren loitas que forman parte do ADN de Manifesto Miñor, e por dignidade democrática”, Antonio Araújo vén de presentar unha moción ao pleno da Corporación Municipal de Gondomar, que posiblemente se celebre o xoves da semana que vén, sobre a posible instalación de Parques Eólicos nestas dúas serras. “O Goberno da Xunta debe saber que con confinamento ou sen el no Val Miñor non tragamos”.

Segundo a Orde da Consellaría de Economía, Emprego e Industria da Xunta de Galicia de 5 de maio de 2020, na devandita Orde inclúense a tramitación de diferentes proxectos ao longo do País, a cal máis agresivo co Medio Ambiente, e mesmo directamente contra a saúde das persoas: vertedoiros, plantas de xestión de residuos, subestacións eléctricas, liñas de alta tensión, factorías que emiten gases de efecto invernadoiro e, Parques Eólicos, entres os que están os das Serras da Groba e do Galiñeiro.

Para Araújo, trátase de proxectos altamente nocivos que xeran un grande rexeitamento social, como se ten visto con respecto a algúns deles ao longo dos últimos anos polo seu forte impacto ambiental, pero tamén social e económico.

“Resulta unha burla á cidadanía, inconcebible nun sistema democrático minimamente normalizado, que a tramitación deste tipo de proxectos se realice xusto nun momento de confinamento social derivado por un Estado de Alarma, limitando a resposta cidadá e facilitándolle os trámites ás empresas privadas. Resulta cando menos irregular, e por suposto inadmisible, que este tipo de tramitacións se poidan producir sen as garantías previstas na Lei”, critica Araújo.

Dende o Grupo Municipal de Manifesto Miñor-En Marea afirman que son partidarios das enerxías renovables e a eólica probablemente sexa unha das máis alcanzables, “pero así non”. “É necesario outro modelo onde as comunidades veciñais, ou a propia sociedade a través dos órganos que nos representan, participen destes proxectos, obtendo beneficios aqueles lugares onde se implanten, e por suposto respectando o patrimonio natural, paisaxístico, cultural, a auga… Un modelo non especulativo onde os beneficios dos accionistas das grandes empresas non sexa o único obxectivo”.

A moción propón ao Pleno da Corporación Municipal rexeitar a proposta de Parques Eólicos nas Serras da Groba e do Galiñeiro que fai a Xunta de Galicia a través da devandita Orde da Consellaría de Economía, Emprego e Industria de 5 de maio de 2020, “polos motivos expostos e outros que sen dúbida existirán con maior fundamento”. Así mesmo, comunicarlle este acordo á citada Consellaría e aos colectivos ambientais e culturais da comarca, “que levan anos loitando contra esta aberración e volveron dar a voz de alarma”.

Anuncios

COMUNIDADO DE PODEMOS BAIONA
Fonte: Caixa de correo SOS Groba

Comunicado de Podemos Baiona en resposta a ONG SOS Groba.

O día 27 de Maio, vimos o comunicado de SOS Groba (nas rrss). Despois de léelo
chegamos ás seguintes conclusións:

1. Condenamos que neste momento, cando a sociedade civil mostra unha grande
capacidade de resistencia e solidariedade, a Xunta de Galicia aproveite para sacar
adiante diferentes proxectos como os parques eólicos das serras da Groba e do
Galiñeiro, nun momento no que o tecido asociativo e a sociedade civil e os cidadáns
teñen a mobilidade reducida imposibilitando a capacidade de presentar alegacións
ante estes proxectos.

2. Un parque eólico podería ser unha ferramenta para revitalizar a vida e o emprego
no rural, sempre e cando os beneficios económico-sociais repercutan na comarca.
O cal é bastante dubidoso se nos fixamos noutros proxectos similares que se
levaron a cabo noutras localidades e comarcas galegas, nas que non se aprecia un
aumento significativo do PIB. Un proxecto desta magnitude non repercute na
economía da poboación dos concellos nos que se implanta, senón que as
empobrece e contribúe ao abandono do rural.

3. Non podemos apoiar un proxecto destas características xa que é moi agresivo
para a nosa terra e resulta incompatible coa actividade agro gandeira, turística e
forestal da zona.

Desde Podemos Baiona apoiamos a transición enerxética cara a un modelo mais
sostible, pero non a cal quer prezo. O custo medio ambiental non aporta valor
engadido á comarca, non baixa o prezo da luz e non hai unha creación significativa
de postos de traballo, xa que nestes proxectos, xestionados por empresas privadas,
os beneficios terminan saíndo do pais.

En conclusión, a transición enerxética é necesaria e urxente, sendo a enerxía eólica
parte moi importante nesa transición, pero está, debe facerse contando coa xente,
beneficiando a vida local e non prexudicando ás persoas só en beneficio duns
poucos.

En Baiona, a 29 de Maio de 2020

DOBRE PANDEMIA

DOBRE PANDEMIA

Nestes días de confinamento nos que a sociedade civil ven dando mostras dun gran civismo e resistencia, atopamos que o tecido asociativo e cultural do país hibernou ou mermou moito a súa actividade por motivos obvios. A Xunta de Galicia pola contra, non parou a súa actividade, e aínda coa poboación confinada e coa mobilidade restrinxida, acelerou un feixe de procedementos administrativos de proxectos insdustriais. Esto que en principio non estaría mal si os dereitos dos cidadáns estiveran protexidos e tivesen os prazos e as posibilidades de analizar e actuar con normalidade ante calquera deses procedementos, que non é o caso.

Poidemos ver na páxina da Consellería de Industria https://www.arcgis.com/apps/webappviewer/index.html?id=4bae3fad95b6439bacef9d1a316765e9 a situación dos proxectos de Parques Eólicos da Serra da Groba e da Serra do Galiñeiro.

Na Serra do Galiñeiro vemos que hai 13 muíños eólicos en tramitación. Na Serra da Groba aparecen 11 muíños no P.E. Albariño; 7 no P.E. Merendón, tamén en tramitación. E aparecen divididos en catro Parques Eólicos como de nova solicitude, o Toroña co 10 muíños; Torroña I con 4 muíños; Torroña III con 10 muíños, e o do Rosal con 2 muíños. Asemade as respectivas subestacións e torres metereolóxicas; catro torres e dúas subestacións novas, máis as previstas para o Albariño e o Merendón, en total catro subestacións na Groba. A do Galiñeiro non aparece no mapa informativo.

A sociedade civil do Val de Miñor e de Vigo, así como a Louriña e o Baixo Miño xa manifestou no seu intre a súa opinión sobre os vellos proxectos do Galiñeiro e da Groba. Fixéronse estudos, informes, alegacións e púxose de manifesto ante a opinión pública os valores destes territorios do sur da provincia de Pontevedra. Os concellos manifestaron en plenos o seu rexeitamento ante estes proxectos industriais que non aportan ningún valor engadido para a poboación das bisbarras e concellos afectados. Manifestouse que os números, a economía, é algo máis que o produtivismo dos euros producidos polos megavatios destes parques e destas empresas, que con moito poder, dividen, fraccionan e especulan coas concesións igual que fan noutros casos para que con empresas varias cheguen as contas de resultados de grandes emporios empresariais que pouco benefician a maioría de veciños dos territorios. Non baixa o prezo da luz, non se crean moitos postos de traballo nin se avanza na tan nomeada transición ecolóxica, paradoxalmente. E aínda que se crean postos de traballo, se pagan taxas e alugueiros/convenios cos propietarios da terra, non se entran a valorar outras perdas medioambientais, naturais e culturais, que xa vai sendo hora de que se valoren e se taxen na súa xusta medida, e se deixe de trocar por euros calquera outro valor difícil de taxar, como é a do patrimonio natural e cultural.

En tempo de pandemia e , probablemente , de mudanzas sociais, económicas, e necesariamente de sistemas, non podemos seguir avante cos mesmos erros do pasado, e deixar para os que veñan despois un país e unha terra asoballada polas industrias, sexan estas as que sexan.

Temos en Galicia parques eólicos por todas as serras e montes. Xa poucas son as que fican sen as torres dos muíños de vento e esas pistas que fenden a paisaxe de lugares que deberían ser santuarios naturais. O futuro está nas enerxías limpas, si. Mais non a calquera prezo nin cos procedementos especulativos de sempre. O negocio non pode xustificalo todo. Hai que mudar as formas e ir de verdade a transición ecolóxica doutro xeito.

As Plataformas do Galiñeiro e SOS Groba, xunto coa sociedade civil manifestáronse moi claramente sobre estes procedementos e plans. Puxeron negro sobre branco os valores naturais e culturais sa dúas serras que fechan o Val de Miñor e que son as iconas do sur da provincia. Turismo, natureza e patrimonio cultural teñen que ir xunguidos no futuro da bisbarra e, tamén, calquera industria que sexa respectuosa co medio ambiente e o patrimonio natural e cultural.

Nestes días tan emotivos e dificiles para todas e todos, ver que hai quen segue a pular por proxectos tan agresivos para as nosas serras, e que desprecia todos os outros valores que tanto estamos botando de menos neste confinamento, e que agora valoramos máis que nunca ( precisamente cando non podemos gozar deles), lévanos a denunciar e alzar a voz para que ninguén se sinta protexido por unha administración que lonxxe de velar polos intereses dos seus cidadáns, axuda as empresas que máis levan expoliado e que so ven no beneficio empresarial o futuro. O noso non é ver as serras industrializadas e perdendo máis diviersidade e patrimonio. Non é ver como se segue a especular coa terra quen no é nosa, da nosa xeración, se non das futuras que tamén teñen dereito a un mundo mellor.

Queremos, denunciar alto e craro, que imos a estar aí vixiantes, denunciando as pretensións insdustriais agresivas para as serras da Groba e do Galiñeiro. Quremos denunciar, agora que imos entrar en periodo electoral, que os partidos politicos se manifesten e expresen o seu posicionamento ante estes proxectos concretos. Que os concellos de Vigo, Mos, O Porriño, Gondomar, Baiona, Oia, Tomiño e O Rosal se posicionen e lles digan os seus veciños cal é a súa postura ante estes proxectos. Que as Comunidades de Montes afectadas tamén semanifesten e digan se queren eses muíños e os cartos do alugueiro das terras, ou pola contra, están por un monte multifuncional no que os valores naturais e culturais sexan conxugados cos dos outros usos do monte tradicionais e respectuosos co medio ambiente e a exlotación racional dos recuros.

Galicia presume de ser un país verde, no que a natureza e un valor senlleiro. Galicia ten moi pouca natureza protexida por lei, Rede Natura, Parques Nacionais, Espazos Protexidos... e ten grandes contradicións na protección efectiva deses espazos e doutros que non teñen figura de protección e que si a deberían ter ( como son estas dúas serras pola densidade de valores naturais e patrimoniais).

Galicia ten a maioría das súas serras e monte afectados por Parques Eólicos, construídos, en construcción e/ou en procedemento administrativo. Nen as serras maís senlleiras se libran de ser aproveitadas para a explotación eólica. Coidamos que é moito impacto para a natureza, a pesares da etiqueta verde que levan implícita.

En tempos de pandemia, ollar estas novas nas páxinas oficiais da Xunta, é unha dobre pandemia, é un duro golpe para a sociedade , os movementos ecoloxístas e o asociacionísmo que temos as mans atadas polo confinamento e a imposibilidade de facer asambleas e xuntanzas presenciais pola limitacións de movementos e desprazamentos.

É polo que queremos denunciar e anunciar a opinión pública que non podemos permitir que estes proxectos sigan avante, e que a pesares das dificultades, seguiremos atentos e SOLICITAMOS:

Que os partidos políticos, os concellos e as Comunidades de Montes afectadas se posicionen publicamente xa, antes da campaña electoral e das eleccións.

As Plataformas da Serra do Galiñeiro e da Serra da Groba xa o facemos con este comunicado.

Val de Miñor, 27 demaio de 2020.