Un domingo máis o xornal La Voz de Galicia, segue a traballar a favor dos seus amigos. Sen contar nengunha mentira, manexa a información para que os que deciden acheguen a súa vontade a dos seus propios intereses. Presión mediática, chámanlle agora.
É certo que, como díciamos hai uns días, o 18 de xuño vai a ser unha data histórica a ter en conta no futuro. A pesares de toda a carga "mediatica", nós, que non temos o poder nen os medios para chegar tan lonxe ou a tanta xente, seguimos a dicír o mesmo: non podemos deixar o país en mans dos empresarios e os seus intereses. Non podemos esperar tranquilos na casa, agardando que un xornal nos comunique o que está ben ou está mal. Non podemos agardar a que sexan os medios de comunicación e os aparellos dos partidos políticos os que falen por nós. A cidadanía, a sociedade civil, hoxe máis que nunca, temos que dicír o que nos interesa e o que se pode mellorar, o que realmente axuda a resolver os nosos problemas, os cotiáns, os de todos, os dos nosos fillos e os do futuro do país. Se non o facemos así, virá o que ven de camiño dende a "nova Europa e a jodida America do Norte". Así de claro, unha nova carga laboral de máis de 60 horas -¡Non hai memoria!-, e a desfeita da chamada sociedade do benestar.
Somos nós, a sociedade que está durmida, a que ten que despertar do seu sono. Somos nós, os que temos que turrar forte para que a nao non vai ao pairo polos mares ignotos do desvarío. Falando claro, ou loitamos ou imos pasalas p.... , mal, moi mal.
Exemplos hoxe en día abondan, e se non botarlle unha ollada ao que din os camioneiros, os mariñeiros e a xente do noso agro. ¡Basta xa!. Abonda.
¡NON AO PARQUE EÓLICO NA SERRA DA GROBA!
¡NON A DESFEITA DO PAÍS!
GOBERNE QUEN GOBERNE, GALIZA NON SE VENDE.
Ningún comentario:
Publicar un comentario