xoves, 19 de febreiro de 2009

ASAMBLEA DE SOS GROBA

Mañán venres, ás 19,30 h. na Aula de Cultura Ponte de Rosas de Gondomar, na Avda. da Feira ( o local do IEM), teremos a Asamblea Xeral de SOS Groba co seguinte orde do día: ASEMBLEA XERAL ANUAL De conformidade co disposto nos Estatutos, o Presidente da Asociación SOS A Serra da Groba convoca as socias e os socios á Asemblea Xeral Anual que se celebrará o venres 20 de febreiro de 2009 en primeira convocatoria ás 19.00 horas e en segunda convocatoria ás 19.30 horas. A dita Asemblea terá lugar na Aula de Cultura Ponte de Rosas de Gondomar de acordo coa seguinte orde do día: 1.- Presentación da Xunta Directiva 2.- Resumo do traballo desenvolvido 3.- Estado de contas 4.- Número de socias e socios Ás 20.00 horas, teremos o pracer de contar con Xavier Simón Rodríguez, doutor en Economía, profesor titular do Departamento de Economía Aplicada e responsable do grupo de investigación en Economía Ecolóxica e Agroecolóxica quen pronunciará a conferencia titulada: “Parques eólicos na Serra da Groba: unha oportunidade para o desenvolvemento rural? ” Como podedes ver, seguimos con moito interese todo o que se refire a evolución do tema eólico no país, e en particular na Serra da Groba. Quremos que os especialistas nos informen, e que vexades e poidades escoitar persoalmente o que opinan para que cada quén faga a súa e teñamos todos/as o maior coñecemento posible. Animámosvos a que nos acompañedes e escoitedes a Xavier Simón.

Ningún comentario:

Publicar un comentario