As
cousas claras. A Xunta minte cando di que a obligatoriedade de pór
o microchip aos cabalos salvaxes é unha obriga da U.E., e que
o Decreto Equino que publicaron no DOG só fai recoller obrigas
que veñen de Europa e as excepcións só se poden
dar para animais pechados en recintos concretos, maís ou menos
extensos ou en illas.
Xa
temos explicado polo miudo o noso parecer, e a necesidade de
buscar solucións deixando a un lado discrepancias e pareceres
que non axuden a acadar o consenso necesario para salvar un
patrimonio que día a día vai desaparecendo .Mais tamén
temos que dicir que os nosos argumentos sempre foron para tentar
darlle a os nosos cabalos salvaxes unha figura de protección
efectiva, partindo da base da súa singularidade que os fai
distintos a calquera outro animal do xenero "equs" que viva
en liberdade en calqueira lugar do mundo. Baseamonos en datos
científicos, en observacións e estudos feitos por xente
moi preparada e que adica ou adicou anos ao seu estudo. Hai que
desfacer mitos e certas crenzas interesadas que se foron
propagando ao longo dos anos e que, cos coñecementos que temos
agora, podemos dicir que non se axustan a verdade. Asemade tamén
temos a propia experiencia baseada na recollida de moita información
e estudo, en comparación e contrastación de datos ao
que lle hai que sumar o feito incustionable de que verdadeiramente é
un patrimonio natural e cultural que temos os galegos, con
carácteristicas propias e que historicamente foi despreciado e
só tratado tanxencialmente cando se tirou partido del con fins
alleos a conservación e protección.
Chegados
a este punto vemos como, ao tempo que en Galicia se aproba un
Decreto Equino que fai desaparecer os nosos garranos de moitas serras
do país e retroceder perigosamente a súa pobación
en outras, no veciño Portugal, os garranos son protexidos,
recuperados para os seus montes e propostos como Patrimonio Nacional,
cunha candidatura avalada polas máis altas autoridades do
país, comezando polo presidente da República, e
seguindo por ministros, científicos e profesores das
universidades e de centros de investigación máis
senlleiros do país .Mercan aos nosos paisanos nos nosos montes
exemplares e lévannos para Portugal, deixando paraxes, nas
que antes vivián as nosas "burras", sen exemplar
nengún.
Veñen
de USA a visitarnos xornalistas e científicos que estudan os
cabalos salvaxes e que están a facer un traballo de
investigación extraordinario sobre os cabalos salvaxes no
mundo, e sorprendense do patrimonio que temos pola súa
singularidade natural e polas súas características
etnográficas. As nosas "burras do monte" son únicas
na súa etoloxía e na súa morfoloxía. O
seu xeito de vivir e a interación co home aínda os
sorprende maís pola diversidade ao comparar o norte do
pais e centro co sur, e nomeadamente a serra da Groba cos curros
singulares distintos aos de Sabucedo, Viveiro, A Capelada etc.
Os
xornais de toda Europa recollen as novas e non dan creto ao que
sucede cando se enteran de que nos estamos desfacendo de este
patrimonio, e de que as autoridades están a velas vir,
agardando que desapareza de todo para logo crear reservas que
xustifiquen a desfeita con programas de recuperación, no canto
de pór os medios agora antes de que sexa tarde.
http://metro.co.uk/2013/06/10/shearing-of-the-beasts-horse-festival-in-north-western-spain-3835256/
No
Reino Unido vemos como lexislan para protexer o seu patrimonio
cabalar salvaxe, tendo en conta os mesmos argumentos que os
propietarios de cabalos salvaxes de Galicia e as organizacións
lle vimos dando á Xunta, e que non foron -nin son - tidos en
conta. Despois de tentar dialogar e negociar un novo regulamento
específico, e ante a negativa da Xunta cos argumentos da
obligatoriedade de U.E., tivemos que ir pola vía xudicial con
un recurso ante o tribunal Superior de Xustiza de Galicia que está
pendente de resolución. Aí declaramos o mesmo que vimos
dicindo dende sempre e que como se nos fose copiado, hoxe podemos
ver nesta norma Inglesa a excepción para os seus cabalos
salvaxes e semisalvaxes:
2009
No. 1611
ANIMALS,
ENGLAND
The
Horse Passports Regulations 2009
Made
- - - - 30th June 2009
Laid
before Parliament 6th July 2009
Coming
into force - - 1st August 2009
Polo tanto, a Xunta minte e o que é pior, non está a facer nada por propia iniciativa para solucionar este grave problema.
A sociedade civil seguiremos a demandarlle solucións e a denunciar os seus erros, xa que o diálogo que sempre propomos, parece que non o queren.
Ningún comentario:
Publicar un comentario