CAMPO
DE GOLF EN BAREDO
NON
. A natureza, o patrimonio natural e a auga non se venden.
. O monte comunal é de tódolos veciños
e non duns poucos para uso privado.
. Temos o dereito de aproveitalo
pero non de estragalo.
. Non podemos deixar de herdanza ás xeracións futuras menos terra e máis
contaminada.
. A saúde nin se compra nin se vende.
. Centos de toneladas ao ano de
fertilizantes e insecticidas que contaminan as augas e o ar que van provocando enfermidades pouco a pouco
sen decatármonos.
. Si estás de acordo asina unha alegación e manifesta a túa repulsa ante o
concello.
CAMPO
DE GOLF
NON
POR QUE NON
QUEREMOS UN CAMPO DE GOLF EN BAREDO
. Porque vai supor a desaparición
dunha parte moi importante do patrimonio que herdamos dos nosos
antepasados, que é o monte, e do que somos usufructuarios e os nosos herdeiros
xa non o terán.
. Porque non é unha necesidade que
veña a solucionar nengún problema da parroquia.
.Por que suporá máis atrancos e
problemas que solucións.
. Porque nos contaminará as fontes e as augas.
. Porque suporá un consumo de auga
dos nacentes que non son suficientes aínda que constrúan balsas, deixando aos veciños sen auga.
. Porque supón uns custos de diñeiro
público, de todo o concello, que non
se ve compensando cos supostos beneficios, que en todo caso sería para uns
poucos e pagando polo servicio.
. Porque un concello como Baiona cun orzamento de 8,5 millóns de €, non
pode promover unha obra que custa 14 millóns e da que non está seguro de onde
van saír, e sobre todo tendo outras necesidades
nas parroquias sen resolver.
. Porque as concesións de obras públicas a empresas privadas en Baiona só
teñen deixado perdas que pagamos todos (Aparcamento da Palma e do Aral), Esta
sería unha máis a costa do patrimonio de
tódolos veciños de Baredo.
. Porque os veciños de Baredo veñen historicamente sufrindo e cargando con
todo o peor, escombreira vella, depuradora, etc e agora campo de
golf.
-.Porque suporá a destrucción dunha
paisaxe senlleira na que viven as burras do monte que van a o curro de
Mougás, e que se verán privadas dunha gran área onde comen, sendo así
empurradas a baixar as veigas e campos dos veciños, aumentando a conflictividade.
. Porque o interese público que se di no proxecto non é tal, dado que as
instalacións públicas deportivas que o xustificarían non son necesarias nesa
zona e non serían sustentables polos custos
materiais e ecolóxicos, nen
serían prácticas a maior parte do ano
polo vento, frío , calor e distancia dos núcleos de poboación.
.Porque non axudaría ao turismo nin a desestacionalizalo porque no
inverno, os ventos do mare o propio clima non o farían atractivo nin práctico.
. Porque os campos de golf da provincia de Pontevedra son todos defecitarios, e os clubes privados deportivos máis próximos
están todos con problemas economicos e de número de socios ( Nautico,
Mercantil, Monterreal, Domaio, etc).
. Porque as instalacións hipicas e curro non son necesarias e suporían unha competencia con as xa existentes pagadas
con diñeiro público para uso privado.
. Porque o curro de Mougás está a un
quilometro do que sería un novo curro que por outra parte, deixaría sen
terreo para vivir ás burras que hoxe viven neses 600.000 m2 que ocuparía o
recinto.
. Porque cortaría o paso por camiños
de uso público que dan acceso a distintas partes do monte e os posibles
desvíos serían por outro concello si este o permitira.
Google Maps.html
Ningún comentario:
Publicar un comentario