domingo, 15 de febreiro de 2009

GALIZA NON SE VENDE

Hoxe día 15 nas rúas de Santiago escoitarase de novo un berro, ¡Goberne quen goberne GALIZA NON SE VENDE! Somos moitos e de tódolos puntos do país os que berramos e pedimos un novo trato para o país, para a nosa terra. Non basta con boas intencións e palabras ditas ante unha cámara ou un micrófono. Fan falla feitos e realidades que muden cun xeito vello de facer e proxectar accións para facer un país moderno e sustentabel. Sabemos das dificultades, dos atrancos, do poder dos que teñen o capital, mais non é suficiente nin desculpa para deixarse ir nunha inercia que vai a traer para iste país e as súas xentes moitos males de dificil arranxo, se non se lle pon remedio agora. En plena campaña electoral que se convoque unha manifestación coma a de hoxe pode ser entendido por uns e outros de moi distinto xeito. Que non se equivoquen. Galiza non se Vende no é partidista nin pretende darlle un regalo a ninguén. É unha chamada en voz alta, moi alta a tódolos que se moven na política para que se decaten de que hai que mudar, hai que facer as cousas doutro xeito, hai que vivir a realidade nu tempo novo que xa chegou, xa non hai avisos ni temores. Xa está eiquí. Todos temos ideoloxía. Todos defendemos un país mellor. Cada quen co seu punto de vista e coa súa idea. Mais somos independentes e inconformistas. Non podemos admitir unha política que só se lembra dos cidadáns cando hai unhas eleccións. Que pide que esquezamos, que confiemos... O día 1 de marzo cada quen votará aquelo que lle pete. Hoxe berramos e denunciamos , alto, en plural, que hai moito que mellorar e que os contos chinos enganan pouco. A realidade é moi teimuda e pon a cada quen no seu sitio. Iso é o que esperamos, e polo ben de todos: máis reflexión, maís sentido de PAÍS e máis dignidade. Non hai cheques en branco para ninguén. GOBERNE QUEN GOBERNE GALIZA NON SE VENDE http://galizanonsevende.org/?p=650

1 comentario:

  1. VOS DEIXO O ENLACE DO ALBUN DE FOTOS DA MANIFESTACIÓN

    http://picasaweb.google.es/susete70/GoberneQuenGoberneGaliciaNonSeVende#

    ResponderEliminar