domingo, 22 de marzo de 2009

!AÍNDA MAÍS¡

Istes días está na prensa a polémica do xuizo pendente do Prestige, e volve a ecoar nos medios o nome de Nunca Máis. Despois da nova da non imputación do director xeral correspondente que mandou afastar o barco da costa, e do recurso que Nunca Máis vai a pór contra esa medida, comprobamos que a lei e lenta, inxusta e non acaba solucionando nada, sobor de todo cando hai políticos polo medio. Hai máis mostras nos xornais de rigorosa actualidade que reforzan o nos argumento. Comisións de investigación, defensores do pobo, feixes e feixes de novas leis e decretos, para que nada mude e todo siga igual, perdón, non igual, pior. Moito pior, isa e a sensación que nos da o analoise da realidade que vemos e do futuro que nos espera. Tamén istes días estamos a ler na prensa que a UE pídelle a España que ten que coidar máis os seus ríos e dálle prazo para rematar coa contaminación nas rías. Por outra banda tamén lemos que as eléctricas proxectan máis encoros nos ríos Sil e Miño. As empresas piden máis megawatios eólicos e xa falan de encher o mar de muíños. Aínda máis? preguntámonos. Que nos queda? Que país imos a ter en poucos anos si todo isto vai adiante? De que valen tantas leis e organismos, xa sexan da UE, de Madrid ou de Santiago? E mentres, temos que seguir escoitando -radio galega, 10,30 h, domingo 22 no programa Extrarradio, entrevista ao conselleiro en funcións de medio ambiente- ao señor Pachi vazquez que onde están os que protestaban contra a desfeita do territorio? Non imos a contestar hoxe. Tempo teremos. Iso si, despois do Nunca Máis e de todo o camiño andado nistes anos, parecenos que imos escoitar moito o de Aínda Máis. Nós, sabemos onde estamos e onde imos a seguir estando: na defensa da terra e do país, goberne quen goberne. NOVAS NA PRENSA http://www.lavozdegalicia.es/dinero/2009/03/22/0003_7605695.htm http://www.lavozdegalicia.es/dinero/2009/03/22/0003_7605696.htm http://www.lavozdegalicia.es/dinero/2009/03/22/0003_7605772.htm AÍNDA MÁIS http://www.elpais.com/articulo/Galicia/electricas/proyectan/grandes/embalses/Mino/Sil/elpepuespgal/20090322elpgal_6/Tes

Ningún comentario:

Publicar un comentario