CURRO DO GALIÑEIRO

Hoxe domingo celebrouse o Curro do Galiñeiro. Cun día bo de temperatura e co sol agochado entre nubes altas e algo de néboa, as bestas chegaron ao curro entre un xentío que agardaba impaciente a chegada das greas. Non son moitas as que se acurran no Galiñeiro, máis iste é un curro que ten "personalidade" propia polo lugar no que se asenta e pola propia estructura material do curro. Un curro de madeira con fermosas vistas a baía de Baiona e todo o Val Miñor. Gozamos da presenza dun grande afeizoado ao mundo dos cabalos, e en particular aos nosos curros, Xosé L. Méndez Ferrín, Valedor dos Curros, e un dos que máis ten purrado para a recuperación do Curro do Galiñeiro. Ano a ano vai a máis iste curro, e nós desexamos que as xentes que o organizan conten cada día con máis pulo e axudas, para facelo máis grande e mellor. A nosa xa a teñen e confiámos que outras moitas se sumen. Neste enlace podedes ver algunhas fotos que fixen do curro e o ambiente. http://picasaweb.google.es/bentevexo/12709CurroDoGalineiro?feat=email#5357614179054883890